Жаңалықтар

2025–2029 жылдарға арналған «Өрлеу» БАҰО» АҚ дамыту стратегиясын іске асыру жоспары шеңберінде педагогикалық жоғары оқу орындары түлектерінің кәсіби даярлығын бағалауға бағытталған диагностикалық бағалау өткізілді.

Аталған іс-шара «Өрлеу» БАҰО» АҚ филиалы Батыс Қазақстан облысы бойынша кәсіби даму институты мен М. Өтемісов атындағы Батыс Қазақстан университетінің базасында бірлесіп ұйымдастырылды.

Диагностикалық бағалау 2025 жылғы 25, 26, 28 және 29 мамыр күндері өтті. Бағалауға қатысуға 158 түлек ниет білдіріп, олардың 148-і тестілеуге қатысты.

Бағалаудың негізгі мақсаты – болашақ педагогтердің пәндік құзыреттері мен әлеуметтік-эмоционалдық дағдыларының деңгейін анықтау, сондай-ақ олардың кәсіби даму әлеуетін бағалау. Диагностикалық жұмыстар бастауыш сынып, қазақ тілі, орыс тілі, ағылшын тілі, математика, информатика, физика, химия, биология, география және тарих пәндері бойынша жүргізілді.

Іс-шара нәтижелері «Келешек мектептері» жобасы үшін кадрлық резерв қалыптастыруға, педагогикалық жоғары оқу орындары түлектерінің кәсіби даму траекториясын айқындауға және білім беру ұйымдарын білікті жас мамандармен қамтамасыз етуге мүмкіндік береді.

Диагностикалық бағалау қорытындылары негізінде қатысушылардың кәсіби даярлық деңгейіне талдау жасалып, алдағы кезеңде олардың кәсіби өсуін қолдау бағытындағы жұмыстар жалғасын табатын болады.

Барлық қатысушыларға белсенділігі мен жауапкершілігі үшін алғыс білдіреміз. Болашақ ұстаздарға кәсіби қызметтерінде табыс, шығармашылық ізденіс пен толағай жетістіктер тілейміз!

2026 жылғы 29 мамырда М.Өтемісов атындағы Батыс Қазақстан университетінің Тарих, экономика және құқық факультетінің бітіруші курс студенттері Қазақстан Республикасы Қаржы министрлігі Ішкі мемлекеттік аудит комитетінің Батыс Қазақстан облысы бойынша Ішкі мемлекеттік аудит департаментінде өткен кездесуге қатысты.

Іс-шара 2026 жылғы 6 сәуірде Қазақстан Республикасы Қаржы министрлігі мен М.Өтемісов атындағы Батыс Қазақстан университеті арасында қол қойылған ынтымақтастық туралы меморандум аясында ұйымдастырылды.

Кездесудің мақсаты – студенттерді ішкі мемлекеттік аудит жүйесінің қызметімен таныстыру, мемлекеттік қызмет саласындағы мансаптық мүмкіндіктер туралы ақпарат беру және болашақ мамандардың кәсіби бағдарын қалыптастыру болды.

Іс-шара барысында департамент мамандары ішкі мемлекеттік аудит органдарының негізгі міндеттері, қызмет бағыттары және мемлекеттік қаржылық бақылау жүйесіндегі рөлі туралы жан-жақты мәлімет ұсынды. Сонымен қатар, студенттер мемлекеттік қызметке орналасу тәртібі, бос лауазымдарға орналасу мүмкіндіктері, кәсіби тәжірибе жинақтау жолдары және мемлекеттік қызметшілерге қойылатын талаптар жөнінде ақпарат алды.

Кездесу барысында мамандар аудит саласының ерекшеліктеріне тоқталып, мемлекеттік қызметте мансап құруға қызығушылық танытқан жастармен тәжірибелерімен бөлісті. Ашық диалог форматында өткен кездесуде студенттер өздерін қызықтырған сұрақтарын қойып, білікті мамандардан нақты жауаптар алды. Мұндай кездесулер студенттердің кәсіби дүниетанымын кеңейтіп, еңбек нарығындағы мүмкіндіктерді бағамдауға және болашақ мамандығын саналы түрде таңдауға ықпал етеді. Университет пен мемлекеттік органдар арасындағы ынтымақтастық білім алушылардың тәжірибелік дағдыларын дамытуға және олардың табысты кәсіби қалыптасуына бағытталған.

2026 жылғы 28 мамырда М.Өтемісов атындағы Батыс Қазақстан университетінің Тарих, экономика және құқық факультетінің бітіруші курс студенттері Батыс Қазақстан облысы бойынша Мемлекеттік кірістер департаментінде өткен кездесуге қатысты.

Іс-шара 2026 жылғы 6 сәуірде Қазақстан Республикасы Қаржы министрлігі мен М.Өтемісов атындағы Батыс Қазақстан университеті арасында қол қойылған ынтымақтастық туралы меморандум аясында ұйымдастырылды.

Кездесудің негізгі мақсаты – студенттерді мемлекеттік қызмет жүйесінің ерекшеліктерімен таныстыру, олардың кәсіби бағдарын қалыптастыру және мемлекеттік органдардағы мансаптық мүмкіндіктер туралы жан-жақты ақпарат беру болды.

Іс-шара барысында Мемлекеттік кірістер департаментінің мамандары мекеменің қызмет бағыттары, құрылымы мен негізгі міндеттері туралы мәлімет берді. Сонымен қатар, студенттер мемлекеттік қызметке орналасу тәртібі, бос жұмыс орындары, кәсіби тәжірибе жинақтау мүмкіндіктері және жұмысқа қабылдау талаптары жөнінде ақпарат алды.

Кездесу барысында департамент өкілдері мемлекеттік қызметтің қоғамдағы маңызы, оның артықшылықтары мен жауапкершілігі туралы айтып, қатысушылардың сұрақтарына толық жауап берді. Ашық диалог форматында өткен кездесу түлектерге болашақ кәсіби қызметтері туралы нақты түсінік қалыптастыруға мүмкіндік берді. Мұндай іс-шаралар жастардың мемлекеттік қызметке деген қызығушылығын арттырып қана қоймай, олардың еңбек нарығындағы бәсекеге қабілеттілігін күшейтуге және кәсіби әлеуетін дамытуға ықпал етеді. Университет пен мемлекеттік органдар арасындағы өзара ынтымақтастық студенттердің тәжірибелік дағдыларын жетілдіруге және олардың табысты мансап жолын қалыптастыруға бағытталған.

2026 жылғы 26 мамырда М.Өтемісов атындағы Батыс Қазақстан университетінде «Ашық есік айлығы» аясында Шыңғырлау ауданы әкімдігі аппараты мен Мансап орталығы өкілдерінің студенттермен кездесуі ұйымдастырылды.

Іс-шараның мақсаты – бітіруші курс студенттерін жұмыспен қамту мәселелері бойынша ақпараттандыру, ауданның кадрлық қажеттіліктерімен таныстыру және жас мамандарды еңбек нарығына тарту болды.

Кездесуге Шыңғырлау ауданы әкімінің орынбасары Исламбек Айбек Жаншаұлы бастаған делегация қатысып, білім алушылармен ашық диалог жүргізді. Кездесу барысында ауданның әлеуметтік-экономикалық даму бағыттары, еңбек нарығындағы сұранысқа ие мамандықтар, жас мамандарды қолдау тетіктері және жұмыспен қамту мүмкіндіктері туралы жан-жақты ақпарат ұсынылды. Шара барысында делегация мүшелері студенттерге Шыңғырлау ауданында жүзеге асырылып жатқан жобалар, мемлекеттік бағдарламалар және мамандарға көрсетілетін әлеуметтік қолдау шаралары жөнінде мәлімет берді. Сонымен қатар, бітіруші түлектерге кәсіби қызметін ауылдық жерлерде бастау мүмкіндіктері мен артықшылықтары түсіндірілді.

Кездесудің маңызды бөлігінің бірі университет түлегі, түлектер қауымдастығының мүшесі, Шыңғырлау аудандық мәдени-демалыс орталығының директоры Тілеген Кенжетайұлы Қалиевтің студенттермен жүздесуі болды. Ол өзінің кәсіби қалыптасу жолы, еңбек тәжірибесі және қызмет барысында жинақтаған тәжірибесімен бөлісіп, жастарды үздіксіз білім алуға, кәсіби дамуға және ел игілігі жолында қызмет етуге шақырды. Кездесу соңында студенттер өздерін қызықтырған сұрақтарын қойып, аудан өкілдерімен еркін форматта пікір алмасты. Мұндай кездесулер білім алушылардың кәсіби бағдарын айқындауға, еңбек нарығындағы мүмкіндіктер туралы хабардарлығын арттыруға және болашақ жұмыс берушілермен тікелей байланыс орнатуға мүмкіндік береді.

2026 жылғы 22 мамырда М.Өтемісов атындағы Батыс Қазақстан университетінің Экономикалық білім беру бағдарламасының бітіруші түлектері Батыс Қазақстан облысы бойынша Мемлекеттік қазынашылық департаментінде өткен кездесуге қатысты.

Аталған іс-шара 2026 жылғы 6 сәуірде Қазақстан Республикасы Қаржы министрлігі мен М.Өтемісов атындағы Батыс Қазақстан университеті арасында қол қойылған ынтымақтастық туралы меморандум аясында ұйымдастырылды.

Кездесудің мақсаты – бітіруші түлектерді мемлекеттік қызметтің ерекшеліктерімен таныстыру, олардың мемлекеттік сектордағы мансаптық мүмкіндіктер туралы ақпарат алуына жағдай жасау және жас мамандарды мемлекеттік қызметке тарту.

Іс-шара барысында Мемлекеттік қазынашылық департаментінің мамандары мекеменің негізгі қызмет бағыттары туралы жан-жақты мәлімет беріп, мемлекеттік қызметке қабылдау тәртібі, бос жұмыс орындарына орналасу мүмкіндіктері, кәсіби даму және мансаптық өсу жолдары жөнінде түсіндіру жұмыстарын жүргізді. Сонымен қатар, студенттер өздерін қызықтырған сұрақтарын қойып, тәжірибелі мамандардан толыққанды жауаптар алды. Кездесу ашық диалог форматында өтіп, түлектерге мемлекеттік қызмет саласының ерекшеліктерін тереңірек түсінуге мүмкіндік берді. Мұндай іс-шаралар білім беру ұйымдары мен мемлекеттік органдар арасындағы өзара ынтымақтастықты нығайтып қана қоймай, студенттердің кәсіби бағдарын қалыптастыруға және олардың болашақ еңбек жолын айқындауға оң ықпал етеді.

2026 жылғы 20 мамыр күні «Ашық есік айлығы» аясында Атырау облысы Құрманғазы ауданы әкімі аппаратының ұйымдастыруымен Zoom платформасы арқылы түлектермен онлайн кездесу өткізілді.

Іс-шараның негізгі мақсаты – жастар арасында мемлекеттік қызметтің беделін арттыру, мемлекеттік қызметке орналасу тәртібін түсіндіру және жас мамандарға ұсынылатын мүмкіндіктер туралы ақпарат беру болды.

Кездесу барысында қатысушыларға мемлекеттік қызметтің қоғамдағы рөлі, мемлекеттік аппараттағы қызметтің ерекшеліктері, мемлекеттік қызметке кіру талаптары мен конкурстық іріктеу рәсімдері жөнінде жан-жақты мәлімет ұсынылды. Сонымен қатар, мемлекеттік қызмет саласындағы кәсіби даму мүмкіндіктері мен жас мамандарды қолдауға бағытталған шаралар туралы түсіндіру жұмыстары жүргізілді.

Онлайн кездесу барысында түлектер өздерін қызықтырған сұрақтарын қойып, тиісті сала мамандарынан нақты жауаптар алды. Кездесу ашық диалог форматында өтіп, жастар мен мемлекеттік орган өкілдері арасында өзара пікір алмасуға мүмкіндік жасалды.

Мемлекеттік қызмет – халықтың әл-ауқатын арттыруға, өңірдің және мемлекеттің дамуына үлес қосуға бағытталған жауапты әрі мәртебелі қызмет. Осындай кездесулер жастардың мемлекеттік қызметке деген қызығушылығын арттырып, олардың кәсіби бағдарын айқындауға ықпал етеді.

2026 жылдың 19 мамыр күні «Ашық есік айлығы» аясында Теректі ауданының мансап орталығы мамандарының қатысуымен бітіруші түлектерге арналған ақпараттық кездесу ұйымдастырылды Іс-шара барысында Теректі ауданындағы еңбек нарығындағы өзекті бос жұмыс орындары, жас мамандарға ұсынылатын қолдау шаралары, сұранысқа ие салалар мен кәсіби даму мүмкіндіктері жөнінде жан-жақты мәлімет берілді . Сонымен қатар, қатысушыларға жастарға арналған мемлекеттік бағдарламалар, тәжірибеден өту мүмкіндіктері, алғашқы еңбек жолын бастауға бағытталған жобалар және мамандық таңдаудағы маңызды кеңестер түсіндірілді. Кездесу еркін форматта өтіп, студенттер мен түлектер көкейлеріндегі сұрақтарына нақты жауап алды Шараның негізгі мақсаты — жастардың еңбек нарығына бейімделуіне ықпал ету, олардың кәсіби бағдарын айқындауға көмектесу және тұрақты жұмыспен қамтылуына қолдау көрсету болды.

2026 жылғы 15 мамыр күні М.Өтемісов атындағы Батыс Қазақстан университетінде «Ашық есік айлығы» аясында «Мансап күні – 2026» атты бос жұмыс орындары жәрмеңкесі ұйымдастырылды. Ауқымды шараның басты мақсаты – бітіруші түлектердің жұмысқа орналасуына қолдау көрсету, жұмыс берушілермен тікелей байланыс орнату және жас мамандардың еңбек нарығына бейімделуіне мүмкіндік жасау. Жәрмеңкеге университеттің 6 факультетінен 60 білім беру бағдарламасы бойынша бітіруші түлектер қатысты. Студенттер өз мамандықтары бойынша бос жұмыс орындарымен танысып, жұмыс берушілермен тікелей сұхбаттасып, түйіндемелерін тапсыруға мүмкіндік алды. Шара барысында М.Өтемісов атындағы БҚУ академиялық мәселелер бойынша Басқарма мүшесі, проректор Кайсагалиева Гульжахан Смаиловна, Батыс Қазақстан облысы әкімдігі жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» директорының орынбасары Айнур Мұхамбетқалиқызы Қазмұханова, сондай-ақ түлектерге сәттілік тілеген университет түлегі, Түлектер қауымдастығының мүшесі, «IT GROUP KAZAKHSTAN» ЖШС бас директоры Дудниченков Михаил Михайлович және Орал қалалық білім беру бөлімінің әдіскері Бигалиева Антонина Александровна сөз сөйледі. «Мансап күні – 2026» аясында 70-тен астам мекеме мен ұйым өкілдері қатысты. Қатысушылар студенттерге бос жұмыс орындары, тағылымдама мүмкіндіктері және еңбек нарығындағы талаптар туралы ақпарат беріп, түлектермен тікелей сұхбат жүргізді. Шара барысында студенттер мен жұмыс берушілер арасында ашық сұхбат алаңы ұйымдастырылып, бітіруші түлектер өздерін қызықтырған мамандықтар бойынша түйіндемелерін тапсырып, кәсіби кеңес алды. «Мансап күні – 2026» түлектердің кәсіби дамуына серпін беріп, университет пен жұмыс берушілер арасындағы байланысты нығайтқан маңызды іс-шара болды.

2026 жылғы 19 мамырда М.Өтемісов атындағы Батыс Қазақстан университетінде «Қаржы орталығы» АҚ маманы Райымбек Баталовтың қатысуымен бітіруші курс студенттері мен магистранттарға арналған онлайн кездесу ұйымдастырылды. Іс-шара Zoom платформасы арқылы өткізілді.

Кездесудің мақсаты – мемлекеттік білім беру тапсырысы негізінде білім алып жатқан және оқуын аяқтауға жақын бакалавриат пен магистратура түлектеріне жұмыспен өтеу міндеттері бойынша жан-жақты ақпарат беру және қолданыстағы нормативтік-құқықтық талаптарды түсіндіру болды.

Іс-шара барысында қатысушыларға Қазақстан Республикасының «Білім туралы» Заңының 47-бабының 17-тармағына және Қазақстан Республикасы Ғылым және жоғары білім министрінің 2023 жылғы №403 бұйрығына сәйкес жұмыспен өтеу тәртібі, оның мерзімдері, міндетті жұмыс орындары, сондай-ақ жұмыспен өтеуден босату және оны кейінге қалдыру жағдайлары туралы толық мәлімет ұсынылды.

Кездесу аясында түлектер тарапынан қойылған сұрақтарға нақты жауаптар беріліп, жұмыспен өтеуге қатысты өзекті мәселелер бойынша түсіндіру жұмыстары жүргізілді. Қатысушылар өздерін қызықтырған сұрақтарға жауап алып, болашақ еңбек қызметіне қатысты маңызды ақпаратпен танысты.

М.Өтемісов атындағы Батыс Қазақстан университеті студенттер мен түлектерді ақпараттық қолдау бағытындағы жұмыстарды жүйелі түрде жалғастырып, олардың кәсіби қалыптасуына және еңбек нарығына табысты бейімделуіне ықпал етуді басты міндеттердің бірі ретінде қарастырады.

2026 жылдың 18 мамыр күні «Ашық есік айлығы» аясында Тасқала ауданының жұмыспен қамту орталығы өкілдерінің қатысуымен университет түлектеріне арналған кездесу өтті Кездесу барысында Тасқала ауданы бойынша бос жұмыс орындары, жас мамандарға арналған мүмкіндіктер, еңбек нарығында сұранысқа ие мамандықтар және жұмысқа орналасу жолдары туралы кеңінен ақпарат берілді Сонымен қатар, түлектерге мемлекеттік бағдарламалар аясындағы қолдау тетіктері, жастар практикасы, алғашқы жұмыс орны жобалары және кәсіптік бағыт-бағдар беру мәселелері түсіндірілді. Кездесу ашық форматта өтіп, қатысушылар өздерін қызықтырған сұрақтарға жауап алды Шараның басты мақсаты — жас мамандардың еңбек нарығына бейімделуіне қолдау көрсету және олардың тұрақты жұмысқа орналасуына бағыт-бағдар беру болды